விக்கியின் வலைப்பக்கம்

நண்பர்களுக்கு ஒரு வேண்டுகோள் ! ஒவ்வொரு முறை பட்ஜெட் தாக்கல் செய்யப்படுவதற்கு முதல் நாள் பாராளுமன்றத்தில் பொருளாதார ஆய்வறிக்கை (Economic Survey) என்று ஒரு ஆவணம் (document) நிதி அமைச்சரால் தாக்கல் செய்யப்படும். இந்த வருடத்தின் ஆய்வறிக்கை தலைமை பொருளாதார ஆலோசகர் திரு அரவிந்த் சுப்ரமணியத்தால் தயாரிக்கப்பட்டு தாக்கல் செய்யப்பட்டுள்ளது. இந்த ஆவணம் கண்டிப்பாக அனைவரும் படிக்க வேண்டிய ஒன்று ! உலகநடப்புகளான பெட்ரோல் விலை ஏற்ற இறக்கம், பிரெக்ஸிட், டிரம்ப் முதல் உள்ளூர் நடவடிக்கையான நோட்டு நடவடிக்கை, மாநிலங்களின் செயல்பாடுகள் என பல தளங்களில் ஆழமாக பயணிக்கிறது இந்த ஆவணம்! உதாரணமாக JAM (Jandhan - AADHAR - Mobile) திட்டம் தான் இந்தியாவின் எதிர்காலம் என்று இந்த ஆவணம் சொன்னபொழுது இரண்டரை ஆண்டுகளாக எடுக்கப்பட்டுவரும் நடவடிக்கைகளான அனைவருக்கும் வங்கி கணக்கு, ஆதார் வழி பணப்பரிமாற்றம், மானியங்கள் அனைத்தும் நேரடியாக வங்கியில் செலுத்துதல் என அனைத்தும் JAM திட்டத்தை பொருந்தி செல்வதும் தற்செயலானது அல்ல ! எதிர்பார்ப்புகள் பெரிது ! காலம் சிறிது ! வாய்பளித்தவர்களுக்கு பொறுமை கம்மி ! கண்டிப்பாக ...

அருண் ஜெட்லி பட்ஜெட்டில் சத்தம்போடாமல் சர்க்கரை மானியத்தை ரத்து செய்யும் மோசமான திட்டத்தை அறிவித்துள்ளார் ! குடிசைவாசி முதல் மாளிகைவாசி வரை அனைவரும் பயன்படுத்தும் சர்க்கரையை (sugar) விவசாயிகளிடம் இருந்து மத்திய அரசு 30 ரூபாய்க்கு கொள்முதல் செய்கிறது. ஆனால் அதே சர்க்கரை ரேஷன் கடையில் 13 ரூபாய்க்கு விற்கப்படுகிறது ! மத்திய அரசு ஒவ்வொரு கிலோ சர்க்கரைக்கும் 17 ரூபாயை மானியமாக தருகிறது ! இதன் மூலம் மத்திய அரசுக்கு வருடம் 4200 கோடி செலவாகிறது. இந்த பட்ஜெட்டில் அந்த மானியத்தை ரத்து செய்துள்ளார் அருண் ஜெட்லி ! எனவே வரும் நிதி ஆண்டில் ஒன்று ரேஷன் கடையில் மக்கள் 30 ரூபாய் கொடுத்து சர்க்கரையை வாங்கிக்கொள்ளவேண்டும் அல்லது மத்திய அரசுக்கு பதிலாக மாநில அரசுகள் அந்த 17 ரூபாய் மானிய செலவை ஏற்கவேண்டும் ! மக்கள் மத்திய, மாநில அரசு என்றெல்லாம் பிரித்து பார்க்கமாட்டார்கள் ! அவர்களை பொறுத்தவரை ரேஷன் கடை என்பது மாநில அரசின் கடை ! அங்கு சர்க்கரை 13 ரூபாய்க்கு பதிலாக 30 ரூபாய்க்கு விற்கப்பட்டால் கண்டிப்பாக மக்கள் அதை ஏற்கமாட்டார்கள். இதை எதிர்கொள்ள மாநில அரசுகள் வேறு வழியில்லாமல் தங்கள் நித...